أرشيف الوسم: الـ

طريقة عمل مكياج العيون السموكي الـ smokey eyes حيلة سهلة وجديدة

تعلمي مكياج الـ smokey eyes بالترخطوة بخطوة

مكياج العيون السموكى يعتبر من اصعب انواع المكياج اللى ممكن تعمليها، لانه بيحتاج تكنيك وتمكن عالى جدا فى استخدام ادوات المكياج، وطبعا معظمنا مابيعرف غير طريقة واحده وهى اننا بنستخدم درجات الالوان الترابية من الافتح للاغمق و بنبدأ من الزاوية الداخلية للعين للزاوية الخارجية..

جبنالكم حيلة سهلة وجديدة لمكياج العين السموكي بيخلط بين الايشادو الكريمى مع الايشادو البودر لكن بطريقة مختلفة ومميزة جدا. وعلشان نسهل الموضوع عليكى و تفهمى اكتر، حنوضحلك الطريقة بالخطوات :

تحضير البشرة:
بعد ما تعملى اساس المكياج اللى هو الفاونديشن، الكونسيلر، ورسم الحواجب بقلم او بودرة الحواجب هييجى الدور على العيون، وهنا حنستخدم ايشادو كريمى+ ايشادو بودرة، بأى الوان تحبيها.

الخطوة الاولى:
فى الخطوة الاولى من مكياج الـ عيون السموكي حنبدأ نحط الايشادو الكريمى باستخدام فرشة صغيرة و تكون flat علشان تقدرى تتحكمى فيها اكتر، و نحط الايشادو الكريمى على الزاويتين الداخلية و الخارجية للعين بس، لكن مش على نص الجفن ، اهم حاجه فى هاد الخطوة هى انك تبقى حريصة انه نص الجفن يبقى مفيش عليه ايشادو خالص، لانه بالطريقة هاد هتخلى عيونك عميقة اكتر بسبب الايشادو الكريمى على الاطراف و هتبين اوسع لما نستخدم الايشادو الباودر على الجفن من النص.

الخطوة التانية:
نضع اللوس بودر آيشادو العين، باستخدام فرشة كثيفة وصغيرة لانها هتكون افضل فى الدمج. هتبدأى تحطى البودر آيشادو على نص الجفن بالضبط و بعده تعملى دمج خفيف مع الايشادو الكريمى اللى حطيناه فى الاول، الفكرة فى مزج الايشادو الكريمى مع اللوس آيشادو او الآيشادو البودر انه هيدوم معاكى طول اليوم حتى لوقت الليل اكتر من استخدام اى واحد فيهم لوحده. و كمان استخدام الايشادو الكريمى تحت البودر هيسهل استخدامك للبودر وهيخلى الدمج اسهل بكتير و هيخلى اللون يبان اوضح، وهاد هيخلى عيونك تكون متحددة ويعطيها لوك جرئ، وتقدرى تستخدمى هاد الطريقة فى دمج الوان الايشادو على طول.

الخطوة التالتة:
علشان نبدا نعمل اللوك السموكى الواضح والجرئ، معظمنا بيستخدم قلم الكحل فى تحديد خط الرموش فى الجفن العلوى علشان نخلى الرموش تبان اغمق و كثيفة اكتر، لكن نصيحة استخدمى الكحل على خط الرموش فى الجفن السفلى، ممكن تحسي انها مش فارقة كتير لكن هاد الطريقة هتحدد عينيكى وتوسعها لانه الكحل الاسود هيعمل contrast مع بياض العين فبتبين منورة.

الخطوة الرابعة:
فى الخطوة هاد حنخلى اللوك يبين حاد وعميق اكتر، باستخدام الفرشة هنحط ايشادو بودر بلون اسود عند زوايا العين الداخلية و الخارجية مكان ما حطينا الايشادو الكريمى فى الاول . بعدين هتدمجى بفرشة صغيرة و تكون كثيفة زى اللى استخدمناها فى الاول ، الخطوة هاد حتخلى اللون فى زاوية العين الداخلية عند مدمع العين والزاوية الخارجية يبقى اوضح وكمان هيخلى اللون اللى عملناه بـالـ loose powder eye shadow يبقى منور و highlighted. وعلشان تخلصى اللوك السموكى هنرسم خط رفيع على طول خط الرموش فى الجفن العلوى بـ eyeliner سائل اسود او ممكن تستخدمى الـ gel liner.

اللوك النهائى:
هيك بتكونى وصلتى للوك النهائى للـ smokey eyes الطريقة هاد حتنجح معاكى فى كل مرة تستخدميها وتقدري تعملى هاد اللوك للطلعات بالليل او حفلات العشاء والمناسبات من غير ما تقلقى، والمميز فى الطريقة انه حتى بعد مرور خمس ساعات الايشادو مش حيسيح و حيضل ثابت معاكى وممكن كمان ترسمى خط بالايلاينر الاسود او البنى الاول قبل ما تبداى فى عمل اللوك ده علشان يساعدك كأساس للوك ويخليه يدوم لفترة اطول .
وتمتعي بلوك جديد وميك اب سموكي لعيونك جربي واحكيلنا تجربتك .